Bakıdan 35 km məsafədə, sahilyanı Mərdəkan qəsəbəsində, səssiz və sakit ərazidə, 10,5 sot torpaq sahəsində il boyu yaşayış üçün nəzərdə tutulmuş şəhərkənarı ev inşa edilmişdir. Evdən sahil xəttinə düz istiqamətdə məsafə 5 km-dir, dənizə qədər yol avtomobil vasitəsilə 10 dəqiqədən çox deyil. Əraziyə gedən yol asfaltlanıb və fənər sütunları ilə işıqlandırıldı. Ev sifariş əsasında, iki böyük uşağı olan ailə üçün inşa edilmişdir, lakin hadisələrin gedişatı sayəsində, ailə evi satışa çıxarıb. Evin tikintisi 2018-ci ilin avqustunda başlanıb, bütün işlərə 2021-ci ilin avqustunda yekun vurulub. Evdə heç kim qeydiyyata düşməyib. Bütün zəruri sənədlər (texniki pasport, çıxarış) qaydasındadır.
İnşaat zamanı yüksək keyfiyyətli inşaat materiallarından istifadə olunub. Evin mühəndis layihəsi, habelə təsərrüfat və rahatlıq ehtiyacları üçün bütün detalların düşünülməsi ən tələbkar alıcını da heyran və məmnun edəcək. Evdə çoxlu sayda qonaq qəbul etmək imkanı var. Qonaqlar üçün yataq otaqları mövcuddur. Ərazinin bütün sahəsi maksimal erqonomik şəkildə istifadə olunaraq istənilən fəsildə passiv və aktiv istirahət üçün şərait yaradır.

Ev — torpaq sahəsinin içərisində yerləşən monolit tikintidir. Evin yaşayış sahəsi 600 kv.m-dir. Yaşayış sahəsinə əlavə olaraq, ümumi sahəsi 120 kv.m olan 2 zirzəmi (xarici və daxili) və ümumi sahəsi 220 kv.m olan terras mövcuddur. Torpağın üstündə iki mərtəbə var; birinci mərtəbə dərinləşdirilib. İkinci mərtəbənin üstündə, damda terras yerləşir. Evin ½ hissəsinin altında tamşəkilli yeraltı mərtəbə var. Ev ön tərəfdən cənuba, cənub-şərqə baxır. Üç eyvan var: biri birinci mərtəbədə yerləşir, - daxili eyvandır, arxa həyətə çıxır; digər ikisi ikinci mərtəbədə yerləşirlər və evin ön fasadına çıxırlar. Ev vitrin pəncərələri ilə şüşələnib. Pəncərələr yüksək səs izolyasiyasını, toz izolyasiyasını və evin temperatur mikroiqliminin qorunmasını təmin edir. Evin fasadı izolyasiya materialları ilə örtülmüş və silikon əsaslı, suyadavamlı boyalarla rəngləndirilmişdir. Evin damı qalınlığı 15 sm olan çoxkomponentli izolyasiya qatı ilə örtülmüşdür. Evin üç girişi var: Türkiyə istehsalı olan taxta örtüklü və şüşə framuqalı qapısı olan əsas giriş, hovuz sahəsindən istirahət otağına yan giriş, qazanxana otağından arxa giriş.

Həyət – həyətin ərazisi dekorativ daşlarla döşənmiş və çoxsaylı dekorativ ağaclar, bitkilər və qazonla yaşıllaşdırılmışdır.

Evin arxasındakı sahədə 12 kv.m idman meydançası və it volyeri üçün yer nəzərdə tutulmuşdur.

Evin qarşısında uzunluğu 10 m olan üzgüçülük yoluna malik daşma tipli hovuz yerləşir.

Fin hamamı – 12 kv.m sahəli bu məkan ərazinin uzaq sağ küncündə yerləşir.

Qaraj – ərazinin sağ küncündə yerləşən monolit tikintidir və bilavasitə yola çıxır. Qaraj ikimərtəbəlidir, - hər mərtəbəsinin sahəsi 50 kv.m-dir. Birinci mərtəbə iki avtomobilin park edilməsi üçün nəzərdə tutulub və avtoyuyucu funksionalla təchiz edilib. Yeraltı mərtəbədə sututarlar və hovuzdakı suyu təmizləmə sistemi üçün texniki sahələr yerləşir.

Yay köşkü –il boyu istifadə üçün nəzərdə tutulmuş 40 kv.m sahədən ibarətdir. İsti döşəmə, kondisioner, hərəkətli vitrin pəncərələr, quraşdırılmış barbekü aparatı və stasionar mətbəxlə təchiz edilmişdir. Ərazi şərti olaraq 3 hissəyə ayrılır: mətbəx, yemək otağı və kaminli istirahət sahəsi. Tavan Venesiya suvağı ilə dekorasiya edilib. İnteryer canlı bitkilərlə bəzədilib.

Terras. Evin damında yerləşir. Terrasdan evin ətrafındakı bütün əraziyə panorama mənzərə açılır. Sahəsi 220 kv.m-dir. Döşəmə örtüyü keramoqranit plitəsindən qurulub. Terrasa daxili pilləkən yolu ilə çıxmaq olar. Terras xüsusi üslubda ağac və metal elementlərlə, dekorativ bitkilərlə bəzədilmişdir və müxtəlif işıqlandırma cihazları ilə işıqlandırılır. Terrasda yerləşir: şüşəli otaq, yay köşkü, texniki otaq və launj zonası.

İkinci mərtəbə. Mərtəbədə ümumi dəhliz və üç tipdə 5 otaq yerləşir: valideynlər üçün yataq otağı, uşaq otaqları, qonaq otaqları. Bütün otaqlar duş kabinləri olan ayrıca sanitar qovşaqlara təchiz edilmişdir. Bütün otaqlarda mərtəbənin eyvanlarına çıxış var. Bütün otaqlarda şkaflar, TV stendlər, ikili çarpayılar, qarderob güzgülər quraşdırılmışdır. Mərtəbə, hər biri iki otaqdan (uşaq və qonaq otaqları) ibarət olan, iki simmetrik qanada bölünmüşdür. Mərtəbənin mərkəzi hissəsində valideynlər üçün yataq otağı yerləşir.

Birinci mərtəbə. Mərtəbədə yerləşir: böyük holl, iş kabineti, sanitar qovşaq, camaşırxana, qonaq otağı, yemək otağı, istirahət otağı, mətbəx və anbar. Mərtəbədən arxa eyvana çıxış nəzərdə tutulub. Kabinetdəki və yemək, qonaq, istirahət otaqlarındakı döşəmələr Ukrayna istehsalı olan müasir palıd parketindən (mühəndis lövhəsi) hazırlanmışdır. Mərtəbənin digər sahələri keramoqranitlə örtülmüş və isti döşəmə ilə təchiz edilmişdir.

Su təchizatı. Sahədə şəhər su xətti və artezian quyusu var. Su ehtiyatları üçün hər biri 2 ton olan 5 çəndən ibarət sistem təşkil edilib. Zəruri olduqda çənlər xüsusi quraşdırılmış hidrant vasitəsilə sudaşıyıcıdan doldurula bilər.

Qazlaşdırma. Obyekt qazla təmin edilib. Yüksək ötürmə qabiliyyəti olan qaz sayğacı quraşdırılıb.

Kanalizasiya. Kanalizasiya sistemi ərazinin xarici tərəfində, magistral yolun yaxınlığında yerləşən şəxsi yeralti septikə çıxır. Bu cür yerləşmə gələcəkdə mərkəzləşdirilmiş, kanalizasiya sisteminin çəkilişi zamanı magistral xəttə qoşulmanı asanlaşdıracaq.

Rabitə. Obyektdə bütün rabitə sistemləri (telefon, internet, TV) optik lifli kabelə qoşulmaya uyğun çəkilib. Əlavə olaraq, TV üçün evin damında parabolik antenlər quraşdırılıb. Evin bütün yaşayış sahələrində stasionar telefon, TV və internet üçün LAN kabellər çəkilib. Eləcə də evdə 6 Wi-Fi routeri vasitəsilə simsiz internet bağlantısı təmin edilib.

Elektrik. Elektrik yüksək ötürmə qabiliyyəti olan sayğac vasitəsilə şəhər xəttindən verilir. Şəbəkədə stabil gərginliyi təmin etmək üçün ərazinin qarşısında stabilizator quraşdırılıb. Fasiləsiz elektrik təminatı üçün ərazinin qarşısında dizel generatoru təchiz edilib. Obyektin bütün elektrik şəbəkəsi torpaqlanıb.

Təhlükəsizlik. Evin təhlükəsizliyi videomüşahidə kameraları, hərəkət sensorları, yanğınsöndürmə təhlükəsizliyi sensorları və yerli polis şöbəsi pultuna qoşulma vasitəsilə təmin edilir. Kamera və sensorların fasiləsiz işi üçün ayrıca UPS quraşdırılmışdır.

İsitmə və isti su. Suyun qızdırılması 4 ədəd ItalTherm qaz qazanları vasitəsilə təmin edilir. İsitmə italyan istehsalı olan Global markalı seksiyalı radiatorlar və isti döşəmə sistemi ilə təşkil edilib. İstiliyin qorunmasını həm də izolyasiya örtüklü və ikikameralı şüşə-paketlə təchiz olunmuş, türk istehsalı olan RWT64 alüminium profilli pəncərələr təmin edir. Şüşə-paketlər üç şüşədən ibarətdir: Guardian temperasiyalı şüşəsi 6 mm + 4 mm şüşə + 4 mm temperasiyalı şüşə.

Ventilyasiya və soyutma. Bütün yaşayış sahələri Mitsubishi Electric split kondisionerləri ilə təchiz olunmuşdur (fərqli gücə malik 14 kondisioner). Sahələrin ventilyasiyası daxili şaxtalar vasitəsilə həyata keçirilir.